Bazar araşdırmaları sübut edib ki, innovativ logistik həllərə etinasız yanaşan kosmetika distribütorları və istehsalçıları rəqibləri ilə müqayisədə xeyli az gəlir əldə edirlər. Üstəlik, belə şirkətlər bazarda yeni oyunçulara bu dinamik inkişaf edən sahədə əhəmiyyətli dərəcədə pay qazanmaq üçün bütün imkanları verirlər.
“AG Asstra-Associated Traffic” beynəlxalq holdinqin ekspertlərinin qiymətləndirmələrinə görə, son 5 il ərzində Avropa kosmetika sənayesinin artımı ildə 2-3 faiz təşkil edib.
“Research and Development Asstra” şöbəsinin müdiri Vitali Verbiloviç qeyd edir: “Analitiklər proqnozlaşdırırlar ki, bu sahədə müsbət artım dinamikası 2018-ci ildə də davam edəcək. Növbəti 12 ay ərzində kosmetikaya tələbat 2 faiz artacaq. Bu, nəqliyyat şirkətlərinə kosmetika tədarükü ilə bağlı xidmətlərin qiymətini artırmağa imkan verəcək”.
Qlobal miqyasda fashion-sənayesinin dəyəri 445 milyard dollara çatır. 2021-ci ilədək illik artımın illik 4-6 faiz təşkil edəcəyi proqnozlaşdırılır. Lakin bütün tədarükçülər belə göstəricilərə nail ola bilməyəcək. Xüsusilə ABŞ-da elektron ticarət vasitəsilə kosmetika satışı ildə orta hesabla 19 faiz, stasionar mağazalarda satış isə yalnız 1-2 faiz artır.
Bir çox hallarda əhəmiyyətli dərəcədə fərq istehlakçıların üstün tutmaları ilə bağlıdır. Müasir alıcı alış prosesinə tam nəzarət edir və sadəcə mal deyil, ondan daha böyük bir şey əldə etmək istəyir. İstehlakçılar brend ilə qarşılıqlı fəaliyyətə başlamaq istəyirlər, şəffaflıq, yüksək sürət və fərdiləşdirmə gözləyirlər. Məhz internet-mağazaları müştərilərin gözləntilərinə cavab verirlər.
Müasir istehlakçı brendə daha yaxn olmaq istəyir, lakin ənənəvi tədarük zənciri yaxınlaşmaya xidmət etmir. Ənənəvi sxem belədir: əvvəlcə istehsalçılar xammal alırlar, sonra məhsulu hazırlayırlar və onu pərakəndə ticarət mağazalarına tədarük edirlər. Və yalnız son mərhələdə alıcı lazım olan malı ala bilər.
Ənənəvi tədarük zəncirini yaxşılaşdırmağı, yeni qrup istehlakçıların tələbatlarını qarşılamağı və biznesi daha yüksək səviyyəyə çıxarmağı necə etmək olar?
Optimallaşdırmanın yollarından biri istehlakçıların motivasiyasıdır. Yeni alıcıya evdən çıxıb oflayn-mağazaya daxil olmaq üçün yeni səbəblər lazımdır. Hazırda qabaqcıl kosmetik brendlər “Estee Lauder”, “Armani Beauty”, “YSL Beauté”, “Sephora”, NYX və MAC "pop-up" müvəqqəti mağazalarını açırlar. Əsas diqqət dekorativ kosmetikaya ayrılır. Kosmetikanın bu sahəsi ətriyyatq, eləcə də dəriyə və saçlara qullu vasitələrinə nisbətən daha tez və nəzərəçarpan nəticələr verir.
Dəbli "pop-up" mağazaları qeyri-ənənəvi ticarət formatıdır. Belə mağazalar tipik ticarət nöqtələrinin deyil, media-kanalların funksiyasını yerinə yetirirlər. Burada müştərilər asudə vaxtlarını keçirirlər, kosmetikanı yoxlayırlar, “selfi” çəkirlər və sosial şəbəkələrdə şəkillər paylaşırlar. "Pop-up" mağazalarında ulduzlar ilə görüşlər keçirilir və peşəkarların rəhbərliyi altında makiyaj üzrə ustad dərsləri aparılır. Brendlər auditoriyanın maraq və iştirakını qazanırlar, lakin gözlənilir ki, istehlakçıların böyük bir hissəsi alış-verişi internetdə edəcək.
Sürətli və tez-tez tədarüklər fərdiləşdirilmiş pərakəndə təkliflərə tələbatı razı salır Gözəllik sənayesi sürətlə dəyişir ki, bu da istehsalçılara biznesin inkişafı üçün yeni imkanlar verir. “Fashion” seqmentdə sonuncu logistik tendensiya birləşmiş tədarük zənciridir. Burada tədarüklər, istehsal, nəqliyyat və pərakəndə ticarət bir-birilə qarşılıqlı asılıdır və son istehlakçının ehtiyaclarına uyğunlaşdırıb.
“AsstrA Fashion and Beauty Logistics” şöbəsinin müdiri Fedor Pakuş qeyd edir: “2018-ci ilin yanvarından etibarən Avropa İttifaqından Rusiyaya mal ixrac edən şirkətlər kosmetika məhsullarının nişanlanması üzrə xidmətlərə yüksək tələb nümayiş etdirirlər. “AsstrA” bazar tendensiyalarını və müştərilərin sorğularını diqqətlə izləyir. Buna görə də hazırda artıq biz ştrix-kodlar, qiymət markalanması ilə birlikdə etiketlərin vurulması üzrə xidmətlər və məhsulların qablaşdırılması üzrə servis təklif edirik. Nəql müddəti minimum olmalıdır. Uzunmüddətli fasilələrdən və yubanmalardan qaçınmaq üçün yük nəqliyyatının hərəkət marşrutunu dəqiqliklə planlaşdırırıq və iki sürücünün köməkliyi ilə malların növbəli daşınmasını təşkil edirik. Biz malların salamatlığını təmin etmək məqsədilə qoşquları xüsusi qıfıllarla, GPS sistemlərlə və mühafizə siqnalizisasiyaları ilə təmin edirik. Bir qayda olaraq pərakəndə ticarət mağazalarında məhsulların saxlanılması üçün boş yer olmur. Buna görə də mağazalar kiçik partiyalı malları həftədə 2-3 dəfə mağazalara çatdırmaq xahişi ilə bizə müraciət edirlər. Hazırda biz bu xidməti yalnız Polşada göstəririk, lakin ümidvarıq ki, tezliklə bu cür əməkdaşlığı digər ölkələrdədə quracağıq”.
Dayanıqlı inkişaf tədarük zəncirinin əsas elementidir
Kosmetika və ətriyyat tədarükü zənciri öz imkanları ilə təsir bağışlayır. O, innovativ həlləri çevik tətbiq etməyə və xammalın qiymətinin dəyişikliyi, dəqiq istehsal prosesləri, dəbli tendensiyalardan asılı olaraq tələbatın qısamüddətli dəyişikliyi daxil olmaqla, bazarın səciyyəvi xüsusiyyətlərini nəzərə almağa imkan verir. Bir-birini mütəmadi əvəzləyən trendlər və məhsulun qısa həyat dövrü tələbatı olduqca dayanıqsız edir. Buna görə də dayanıqlı təşkiletmə proseslərini tətbiq etmək və tədarük zəncirini planlaşdırmaq, habelə xərcləri minimuma endirmək lazımdır.
Ötən il ABŞ-ın fashion-sənayesinin dəyər ifadəsində həcmi 18 milyard dollara çatıb ki, bu da 2016-cı illə müqayisədə 10 faiz azdır. Ekoloji təmiz kosmetikaya, dermokosmetikaya və probiotiklər əsasında vasitələrə tələbat nəzərəçarpacaq dərəcədə artıb. Bu, istehlakçılar arasında məlumatlılığın artması ilə əlaqədardır. Həmin istehlakçılar elmi nailiyyətlərə istiqamətlənərək seçim edirlər. Dəriyə qulluq üzrə smart-qurğular sahəsində də oxşar tendensiya ehtimal olunur. “Euromonitor”un məlumatına əsasən, 2016-cı ildə dünyada üzü təmizləmək üçün 8,3 milyard ədəd elektrik cihaz satılıb. Qeyd edilən məlumatlar “ağıllı”, fərdiləşdirilmiş və innovativ həllərə artan tələbatı əks etdirir.
Fedor Pakuş deyir: “AsstrA” kosmetika sənayesinin nümayəndələri ilə uzun illərdir əməkdaşlıq edir. Hazırda biz kiçik şirkətlər və iri beynəlxalq konsernlər daxil olmaqla, 70-dən çox şirkətə xidmət göstəririk. “AsstrA” fəaliyyət göstərdiyi illər ərzində kosmetika tədarükləri haqqında informasiya ilə birlikdə geniş məlumat bazası toplayıb. Bizim intellektual biznes sistemimiz bu informasiyanı təhlil etməyə, sahəyə təsir göstərən tendensiyaları və mövsümi xüsusiyyətləri müəyyənləşdirməyə imkan verir. Bunun sayəsində “AsstrA” yükləmə ilə bağlı problemləri qabaqcadan görür və aradan qaldırır, əvvəlcədən nəqlin hər bir mərhələsini planlaşdırır”.
Kosmetika istehsalçıları xüsusi inqredientlərdən istifadə edirlər. Onları əlverişsiz hava şəraitinin, temeperaturun, rütubətin və işıqlanmanın təsiri nəticəsində malın korlanmasına və zərər görməsinə yol verməmək qüçün böyük ehtiyatla daşımaq və saxlamaq lazımdır. Göstərilən faktorlar çatdırılma üzrə xidmətlərin qiymətini artmasını şərtləndirir. Buna görədə dayanıqlı inkişaf və səmərəlilik rəqabət qabiliyyətli qiymət formalaşmasının əsas elementləridir.
Fərdiləşdirmə kosmetika tədarüklərinin xüsusiyyətini müəyyənləşdirir
Fərdiləşdirilmiş kosmetika məhsullarının populyarlığını logistik həllərin bazardakı dəyişikliklərə qarşı həssaslığı müəyyənləşdirir. Bununla əlaqədar olaraq, tədarük zəncirini təşkil etmək üçün vacib alət SRM sistemidir. Bu sistem seqmentasiyanı, eyniləşdirməni həyata keçirməyə, bazar dəyişikliklərini müəyyənləşdirməyə və avtomatlaşdırmağa imkan verir.
Sifarişləri tez yerinə yetirmək və malları düz vaxtında tədarük etmək zərurəti daha çevik nəqliyyat sxemlərini tələb edir. Nəqliyyatın səmərəli idarə edilməsi müştərilərin loyallığını xeyli artırmaq vasitəsidir. Bu zaman logistikanın desentralizasiya edilmiş strukturu münasib qərardır.
“AsstrA” holdinqi mərkəzi ofisdən və dünyanın müxtəlif yerində yerləşən çoxsaylı təmsilçiliklərdən idarə edilən nəqliyyat-logistika proseslərinin köməkliyi ilə”bu gün çatdırılma” tipli tədarükü təşkil edir. “AsstrA” 2018-ci ildən etibarən Avropa, Yaxın və Uzaq Şərqin 18 ölkəsində iştirak edir. “AsstrA”nın geniş coğrafi təmsilçiliyi təcili çatdırılmanı təmin edir və harada olmalarından asılı olmayaraq istehlakçıların sorğularını qarşılamağa kömək edir.