Bakı-Tbilisi-Qars (BTQ) dəmir yolu vasitəsilə Türkiyə, Azərbaycan və Qazaxıstan arasında hər həftə 3 yük reysi həyata keçirilir.
Bunu Trend-ə Türkiyənin nəqliyyat və infrastruktur naziri Mehmet Cahit Turhan deyib.
Onun sözlərinə görə, Türkiyə BTQ vasitəsilə Azərbaycan, Gürcüstan, Özbəkistan, Türkmənistan, Qazaxıstan, Qırğızıstan və Rusiya kimi ölkələrə tikinti materialları, yuyucu vasitələr, ərzaq və kənd təsərrüfatı məhsulları ixrac edir və öz növbəsində, taxıl, dəmir və sink idxal edir.
Nazir onu da qeyd edib ki, dəmir yolunun istifadəyə verildiyi gündən 102 konteyner qatarı ilə 100 min ton yük daşınıb:
M.C.Turhan bildirib ki, BTQ dəhlizi tarixi İpək Yolunun bərpası üzrə işlərin bir hissəsi olub:
“BTQ dəmir yolu istifadəyə verildikdən sonra Türkiyə Avropa ilə Asiya arasında nəqliyyat dəhlizi yarada bildi. Eyni zamanda, bu layihənin başa çatması ilə Türkiyənin Milli Dəmir Yolu Şirkəti 2018-ci il fevralın 15-dən “Transxəzər Beynəlxalq Nəqliyyat Marşrutu” Beynəlxalq Assosiasiyasının üzvü olub”.